Nuk është ajo që duket … në të vërtetë po, është pak a shumë ajo që duket.
Në Tajlandë i bëjnë të burgosurit të luftojnë, kush fiton është i lirë.
Kjo tingëllon si një zgjedhje e tmerrshme, por është një program rehabilitimi që ekziston që nga viti 2012.
Lufta e Burgut organizohet nga Departamenti Korrektues Tailandez me qëllim promovimin e shëndetit dhe sportit në burgje.
Dëshironi një zbritje dënimi? A doni liri? Ju duhet të stërviteni vazhdimisht, të keni respekt për veten dhe për të tjerët, mos mendoni për asgjë tjetër përveçse të përmirësoni trupin tuaj, si dhe mendjen tuaj.
Ky event mbahet çdo vit, të burgosurit që humbasin kthehen në qelitë e tyre, ndërsa fituesi merr një çmim parash si dhe një zbritje dënimi (por së pari duhet të bëjë një intervistë për të parë nëse ka pasur ndonjë ndryshim në të vërtetë).
Një dokumentar i Shoëtime përshkruan jetën e Noy Khaopan, një ish gangster i cili po kalonte në burg 11 vjet për goditjen me thikë të një të riu.
Në procesin e tij të rehabilitimit në burg ai ndryshoi, aq sa ai pranoi se “Ndjehesha sikur e kisha viktimën në shpatullën time. Kam humbur kontrollin. Isha i dehur. Unë e vrava atë. Unë duhet ta pranoj të vërtetën”.
Ai u zgjodh për Luftën në Burg dhe fitoi. Pasi u përball dhe mundi Cody Moberly, një profesionist amerikan, ai u la i lirë me një zbritje dënimi me 6 vjet.
Programet e mëparshme të luftimit të lirisë në vend lejuan të burgosurit të fillonin një karrierë në botën e luftimeve, dhe njëri prej tyre madje përfaqësoi vendin e tij në Olimpiadën!
