Portieri i Bojan Zogoviç do të jetë pjesë e Vllaznisë edhe për sezonin tjetër. Ka qenë vetë klubi shkodran, që nëpërmjet një komunikate të bërë, njofton rinovimin e kontratës me portierin malazez edhe për një tjetër sezon.
32-vjeçari ishte një titullar i padiskutueshëm në sezonin e fundit për portën e Vllaznisë dhe për këtë arsye drejtuesit, të kënaqur nga paraqitjet e lojtarit, i ofruan rinovimin, që u pranua nga portieri.
Njoftimi i klubit:
KF Vllaznia bën të ditur se ka arritur akordin dhe ka firmosur kontratën e re me portierin Bojan Zogoviç, për të qenë edhe për një sezon tjetër pjesë e skuadrës kuqeblu.