Skuadra e Kukësit ka arritur të fitojë shërbimet e Ardit Hilës.
Konfirmohet lajmi i “Panorama Sport”, teksa mesfushori ka firmosur një kontratë 2-vjeçare. Lajmin e transferimit të 28-vjeçarit në rradhët e verilindorëve e ka bërë vetë publike klubi i Kukësit që me anë të një postimi në profilin e tyre në rrjetin social në “Facebook” duke i uruar mirëseardhjen lojtarit elbasanas.
Hila vjen pas eksperiencës në Superligën e Kosovës me fanellat e Prishtinës dhe së fundmi me skuadrën e Gjilanit ku i skadoi dhe kontrata. Më parë në Kategorinë Superiore, Ardit Hila përveç skuadrës së qytetit të lindjes Elbasanit dhe ekipit të Partizanit, ai ka mbajtur veshur fanellën e Teutës.
NJOFTIMI ZYRTAR I KLUBIT TË KUKËSIT –
“ZYRTARE! Ardit Hila eshte zyrtarisht futbollist i Kukesit
✍🏻 Futboll Klub Kukesi njofton se mesfushori Ardit Hila eshte zyrtarisht futbollist i Kukesit. Klubi ka arritur marreveshje me mesfushorin 28 vjecar, duke firmosur kontrate per 2 sezonet e ardhshme.
⚽️ Hila vjen ne klubin e Kukesit pas nje aventure ne Kosove, ku ishte pjese e Gjilanit. Hila eshte njohes i mire i Kategorise Superiore teksa ka qene pjese e skuadres se Elbasanit, Teutes e Partizanit duke fituar edhe titull kampion ne Shqiperi. Klubi i Kukesit i uron Hiles shume suksese me fanellen e Kukesit! Miresevjen Ardit!
“Me ka munguar Shqiperia. Ika si kampion dhe shpresoj te rikthehem si kampion me Kukesin. Pse Kukesin? Me bindi projekti i Kukesit dhe fakti qe luan gjithmone per trofe, ma beri me te lehte zgjedhjen time. Uroj qe ne Kukes te rikthejme trofeun e titullit kampion dhe Kupen e Shqiperise. Forca Kukesi”, u shpreh Hila ne prononcimin e tij te pare si futbollist i Kukesit.
Skeda e Lojtarit:
Emri: Ardit Hila
Mosha: 28 vjeç
Kombësia: Shqiptar
Gjatësia: 1.80 m
Pozicioni: Mesfushor
Klubet e mëparshme: Elbasani, Teuta, Partizani, Prishtina, Gjilani.”