Lojërat Olimpike u tronditën pak ditë më parë pasi sportisti nga Uganda Julius Sekitoleko u zhduk nga fshati olimpik duke dezertuar ekipin e tij në kërkim të një jete më të mirë në Japoni.
20-vjeçari ishte larguar nga kampi në drejtim të paditur duke u kthyer në çështje, por ditën e sotme është bërë i mundur dhe identifikimi i peshëngritësit Sekitoleko. Ugandezi u gjend 40 kilometra larg pikës ku ishte larguar dhe është pikasur në një stacion hekurudhor.
Sipas ‘’BBC’’, 20-vjeçari kishte në çantë vetëm telefonin pasi pasaportën e mbante ekipi Ugandës me të cilët mbërriti në Japoni në datën 19 qershor. Sekitoleko tani pritet të dërgohet në vendin e tij duke dështuar kështu në përpjekjen për të gjetur një jetë më të mirë në kontinentin aziatik.
