Salernitana ka zgjidhur problemet ligjore dhe sezonin tjetër do të jetë zyrtarisht pjesë e Serisë A.
Pas një muaji pezull, Klaudio Lotito ka arritur një marrëveshje besimi me Federatën Italianë të Futbollit duke transferuar skuadrën në emër të një personi tjetër. Lotito aktualisht është dhe president i Lacios dhe ligji italian nuk e lejon që një pronar të ketë dy skuadra brenda kampionatit. Marrëveshja zgjati shumë, pasi Lotito nuk ishte dakord për shitjen e klubit të sapongjitur në elitën e futbollit italian.
Tek Salernitana, aktivizohet dhe mbrojtësi i Kombëtares, Frederik Veseli i cili u bashkua me skuadrën italiane sezonin e kaluar nga francezët e Le Manshit.
