Mbrojtësi i Kombëtares, Elseid Hysaj iu përgjigj më së miri tifozëve nacionalist të Lacios duke shënuar gol në miqësoren e sotme kundër ekipit modest të Belunos.
Mbrojtësi shkodran realizoi golin e katërt të Lacios me një goditje të bukur diagonale, duke mos i dhënë asnjë shans portierit. Golin e Hysajt e shpërndau vetë faqja e Lacios në ‘’Twitter’’ ku më pas një numër i madh tifozësh kanë vërshuar në lumë komentesh pozitive drejt Hysajt.
‘’I madhi Hysaj’’, ”Përgjigja më e mirë, vazhdo kështu” apo ‘’Drejt e në zemrave e lacialëve, Elseid të duam shumë’’, ishin disa nga komentet pozitive të shkruara nga tifozët bardhekaltër në drejtim të mbrojtësit të Kombëtares.
