Roberto Mançini u ndal sonte të fliste gjatë në konferencën për shtyp një ditë para finales së madhe me Anglinë duke prekur disa nga tema më të nxehta të momentin tek ‘’axurrët’’.
Ndjesia –“Unë nuk jam i mërzitur, ndoshta do të jem pak më shumë nesër. Sigurisht që është ndryshe nga ndeshja kundër Turqisë. Ajo ishte ndeshja debutuese, por kjo është një finale. Përtej kësaj ne thjesht duhet të luajmë ndeshjen tonë, duke menduar se do të bëjmë më të mirën. Është thjesht një ndeshje futbolli, duhet ta jetojmë kështu”.
Kundërshtarët-“Anglia është e fortë, madje edhe nga stoli ata kanë shumë armë, por edhe ne. Sterling është një lojtar që është rritur shumë shpejt, do të duhet të jemi shumë të kujdesshëm. Por ka edhe Kejnin, kushdo që të luaj ka shpejtësi dhe teknikë të madhe”.
Se do të përballemi me ndeshjen-“Ne duhet të qëndrojmë të qetë dhe të jemi të përqendruar në lojën tonë. Është ndeshja e fundit, nëse djemtë duan të argëtohen më shumë, ata duhet ta bëjnë atë nesër”.
Mbi Itali-Angli- “Ekziston një pasion i madh. Anglia ka qenë gjithmonë pak e pafat në karrierën e saj evropiane dhe botërore, por mendoj se do të jetë një ndeshje e shkëlqyeshme, në një stadium të plotë dhe ky është një lajm i mrekullueshëm.”
Tifozët italianë në Wembley- “Gjatë ndeshjes do të jetë e vështirë t’i dëgjojmë, shpresojmë t’i dëgjojmë në fund … Në fushë do të mendojmë për gjëra të tjera, të luajmë dhe ta bëjmë mirë punën tonë”.
Imobile?- “Të gjithë kanë nevojë për përkëdhelje, jo vetëm sulmuesit. Unë jam i kënaqur me të gjithë punën që ai bëri, dhe me Belotin e Raspadorin. Nëse nuk do të isha unë, nuk do të kishim arritur në finale.”
Emrat në të cilët mbështetet ekipi kombëtar- “Është ekip kombëtar argëtues, por edhe i konsiderueshëm. Ka pasur ndeshje të vështira, disa shumë të vështira, madje edhe në grup. Shpresoj që ekipi të mund të bëjë një përpjekje të fundit, duke u argëtuar para se të shkojë me pushime.”
Stili i lojës së Italisë- “Ne gjithmonë duam të luajmë siç dimë. E njëjta gjë ndodhi dhe me Spanjën, por ata ishin më të mirë në mbajtjen e topit. Ne nuk mund të ndryshojmë tani, ne duhet të bëjmë atë që na ka sjellë deri tani.”
Dy mesfushat e krahasuara- “Rajs dhe Filips janë fizikisht të fortë, por e gjithë ekipi është. Futbolli luhet me top në tokë dhe shpresojmë të bëjmë mirë. Do t’i japim të gjitha nga vetja’’.
Çfarë përfaqëson kjo finale për Mançinin?- “Është një nga momentet më të rëndësishme të karrierës sime. Kam luajtur me moshat e Italisë, por ne nuk arritëm të fitonim as Kampionatin Evropian U21 (humbën në finale kundër Spanjës në vitin 1986) ose Kupën e Botës 1990 në shtëpi, edhe pse ne ishim ekipi më i mirë. Shpresoj të jem në gjendje të marr ato kënaqësi që nuk i kisha si lojtar, pavarësisht se kam luajtur në ekipe shumë të forta’’, tha Mançini.
