Sulmuesi i Interit, Lautaro Martinez i cili ishte një ndër lojtarët më të mirë të Argjentinës në Kupën e Amerikës, ka folur për mediat pas ndeshjes finale ku “Albiceleste” triumfoi ndaj Brazilit me rezultatin 1-0 në stadiumin “Marakana”:
“Kupa e Amerikës është diçka që ne e kemi ëndërruar dhe ky sukses do të qëndrojë gjithmonë. Kemi fituar ndershmërisht dhe duhet ta shijojmë këtë moment.
Në kombëtare ka lojtarë të rinj, që kanë shumë uri për të triumfuar sërish. Të luash dhe fitosh ndaj Brazilit është gjithmonë speciale dhe të lumturon dyfish. Ky kompeticion duhej të zhvillohej në Argjentinë.
Do ta ruaj këtë medalje gjatë gjithë jetës time. Jemi në histori të kombëtares, nuk fitonim një trofe prej kohësh dhe mallkimi i sotëm u thye.”, përfundoi Lautaro Martinez.