Ka përfunduar shumë shpejt, ashtu sikurse edhe pritej, aventura e kombëtares U-17 në volejboll për djem në Kampionatin Europian të kësaj grupmoshe, turne që po zhvillohet në Tiranë. Shqipëria është vendi organizator i fazës finale, ku marrin pjesë 12 ekipet më të mira të kontinentit.
Kombëtarja kuqezi, e drejtuar nga trajnerin Erin Sejati, ndodhej në Grupin 1, bashkë me Rusinë, Slloveninë, Belgjikën, Letoninë e Turqinë. Përpos dëshirës, rezultatet ishin të dobta për djemtë e rinj shqiptarë, që i humbën të pesta ndeshjet me rezultatin 3-0, duke u renditur të fundit.
Ndeshjet e fazës së grupeve, të mbyllura mbëmjen e së enjtes, u luajtën në sallën e lojërave “Feti Borova” dhe atë të Farkës, tashmë një ambient i rinovuar. Të shtunën dhe të dielën do të luhet faza finale. Ndeshjet gjysmëfinale janë Rusi-Itali dhe Poloni-Slloveni. Federata Europiane ka vlerësuar me nota pozitive organizimin e eventit nga FSHV-ja.
Rezultatet e kombëtares kuqezi
Shqipëri – Slloveni, 0-3 (6-25, 11-25, 11-25)
Shqipëri – Belgjikë, 0-3 (7-25, 12-25, 4-25)
Shqipëri – Letoni, 0-3 (16-25, 14-25, 22-25)
Shqipëri – Turqi, 0-3 (12-25, 6-25, 9-25)
Shqipëri – Rusi, 0-3 (9-25, 11-25, 11-25)
