Mbrojtësi i Totenhemit, Tobi Alderuajerd i ka surprizuar të gjithë me skuadrën e re duke u transferuar të luajë në Katar tek Al Duhail.
32-vjeçari edhe pse një mbrojtës me eksperiencë të gjatë në futboll, ka shkuar drejt në aventurë të re ku normalisht dhe kushtet ekonomike janë më të larta. Alderuajerd ishte pjesë e Totenhemit që prej vitit 2015 kur u transferua nga spanjollët e Atletiko Madridit.
Qendërmbrojtësi aktivizohet gjithashtu dhe me kombëtaren belge si titullar i rregullt duke qenë një ndër shtyllat e fazës defensive. Nuk dihen ende detajet e operacionit, teksa lajmin e bëri të ditur vetë skuadra nga Katari.
