Talenti shkodran Ardit Nikaj, është përforcimi i radhës i Skënderbeut në merkato. Futbollisti 19-vjeçar, i cili është produkt i akademisë së Vllaznisë, ka firmosur një kontratë 3-vjeçare me klubi korçar.
Lajmi është konfirmuar nga vetë Nikaj nëpërmjet një postimi në “Facebook”, teksa shihet duke pozuar me presidentin Takaj dhe Denis Balajn, i cili së bashku me Shkumbin Qormemetin janë agjentët e shkodranit.
19-vjeçari luan në repartin ofensiv, teksa i bën të gjitha pozicionet, qoftë atë të sulmuesit qendror si dhe atij të krahut. Mesa duket shkodrani nuk arriti akordin me drejtuesit e Vllaznisë, për të qenë pjesë e skuadrës së parë dhe kësisoj vendosi të transferohet te Skënderbeu.
