Boksieri britanik Tyson Fury, kampion bote në peshën e rëndë (kategoria WBC) ka publikuar planin e tij për 5 duelet e ardhshme, që tregojnë emrat e 5 rivalëve të tij, datat dhe vendet se kur do të zhvillohen ato. Një plan që Fury, i pamposhtur në karrierën e tij, synon ta realizojë para se të tërhiqet nga sporti si kampion i padiskutueshëm i peshës së rëndë.
“Kjo është lista ime e rivalëve, sipas radhës”, shkruan Fury.
1-Deontay Wilder (9 tetor në Las Vegas)
2-Dillian Whyte, në dhjetor në Kardif
3-Anthony Joshua, marsin e ardhshëm në Arabinë Saudite
3-Anthony Joshua, verën e ardhshme në Wembley
5-Dereck Chisora, dimrin e vitit 2022 në Kardif
“Nuk kam asnjë problem me asnjë nga këta dështakë. Po, unë i quaj ata dështakë, duke i krahasuar me veten time, boksieri më i mirë i të gjitha kohërave”, shkruan Fury.
Fury po përgatitet për duelin e tretë ndaj amerikani Deontay Wilder, sfidë që do të zhvillohet pas një muaji në Las Vegas të Amerikës.
