Milani e ka mposhtur 3:2 Atalantën në një ndeshje të çuditshme, duke përfituar nga gabimet trashanike të skuadrës bregamase në mbrojtje për ta vazhduar ecurinë e mirë në Serie A.
Davide Calabria e kaloi Milanin në epërsi pas vetëm 30 sekondave lojë, duke e shfrytëzuar një gabim trashanik të portierit Juan Musso për ta futur topin në portën boshe.
Sandro Tonali e dyfishoi epërsinë e kuqezinjve në minutën e 45-të, pasi e vodhi një top në mbrojtjen vendase për ta mposhtur portierin me një goditje të bukur nga cepi i zonës.
Goditjen e fundit Atalantës ia dha Rafael Leao kur shënoi gol të bukur në cepin e majtë të Mussos pas një kundërsulmi vrastar të skuadrës së Stefano Piolit.
Duvan Zapata e zgjoi Atalantën nga gjumi kur shënoi golin e parë në minutën e 86-të, duke realizuar nga penalltia.
Skuadra e Gian Piero Gasperinit shënoi edhe një herë në minutën e 93-të, Mario Pasalic e realizoi nga afërsia, por ishte tepër vonë për një rikthim ëndrrash për bergamasit.
Falë kësaj fitoreve, e gjashta nga shtatë ndeshje, Milani kthehet në vendin e dytë me 19 pikë, dy më pak se lider Napoli dhe dy më shumë se Interi në vendin e tretë.
Atalanta, që e pësoi humbjen e dytë në ligë, renditet e teta me 11 pikë.
