Kombëtarja shqiptare do të luajë dy nga sfidat e rëndësishme të momentit ndaj Hungarisë në transfertë më 9 tetor dhe ndaj Polonisë më 12 tetor në stadiumin “AIR Albania”, të vlefshme për fushatën kualifikuese të Botërorit “KATAR 2022”.
Përveç rikthimeve si Ivan Balliu në mbrojtje i cili është duke kryer një sezon fantastik me fanellën e Rajo Vajekanos në Spanjë, janë rikthyer dhe Ermir Lenjani, Kastriot Dermaku dhe Frederik Veseli.
Ajo që çalon më shumë dhe se bën me “dhimbje koke” trajnerin e Kombëtares, Edi Reja është mesfusha e cila aktualisht duket e “zbuluar” nga shkaku i dëmtimeve të Amir Abrashit dhe Qazim Laçit, ku të dy futbollistët spikatën me paraqitjet e tyre në ndeshjet e muajit shtator.
Me mungesën e të dy lojtarëve pritet të shihet sesi trajneri Reja do ta mbushë këtë boshkllik në mesfushën e Kombëtares.