Lin Jarvis, drejtori sportiv i Yamaha, zbulon disa të fshehta në lidhje me situatën e krijuar te motori japonez në fundin e viteve 2000, kur në skuadër erdhi spanjolli Jorge Lorenzo. Asokohe, piloti i parë në skuadër ishte Valentino Rossi, që nuk e mirëpriti ardhjen e Lorenzo, pasi e shihte si një kërcënim.
Dhe faktet e konfirmuan këtë gjë.
“Ne zgjodhëm Lorenzo, pasi menduam se Valentino do të kalonte në Formula 1, pas testeve që pat kryer me Ferrarin. Formula 1 ishte pasioni i Rossi. Ndaj, kishim nevojë për një pasues të fortë dhe zgjodhëm Jorge”, rrëfehet Lin Jarvis.
Ai shton: “Rossi na kërcënoi, ose ai ose Lorenzo. Kjo ishte e papranueshme për ne dhe nga ky moment nisi divorci”, tha Jarvis. Kjo situatë solli largimin e pilotit italian nga Yamaha te Ducati, ku nuk shkëlqeu në MotoGP. Më pas, Rossi u rikthye te Yamaha, por tashmë kishte humbur shkëlqimin e dikurshëm.
