Sulmuesi kryesor i Partizanit, Stenio Zhunior, nuk ishte i pranishëm në seancën e djeshme stërvitore. Bomberi brazilian ka plotësuar numrin e katër kartonëve të verdhë dhe do të jetë i pezulluar për sfidën e radhës kundër Egnatias.
Si pasojë, Zhunior ka vendosur ta shfrytëzojë këtë periudhë “pushimi” duke u vaksinuar. Pasi ka bërë vaksinën, braziliani është lënë dy ditë pushim nga klubi dhe pritet që 30-vjeçari të rikthehet në stërvitje ditën e sotme.
Kujtojmë se Zhunior është sulmuesi kryesor i Partizanit, njëkohësisht edhe golashënuesi më i mirë deri më tani te të kuqtë, me dy gola të shënuar në 6 sfidat e para të kampionatit.
