Manchester United është kthyer te fitorja në Premier League pas humbjes poshtëruese 5-0 të pësuar kundër Liverpool-it.
Djajtë e Kuq kanë mundur 3-0 Tottenham në transfertë në javën e 10-të të kampionatit anglez.
Një fitore e rëndësishme për Ole Gunnar Solskjaer, i cili ka qenë afër shkarkimit pas disfatës kundër ekipit të Klopp.
Heroi i Djajve të Kuq ka qenë Cristiano Ronaldo.
Portugezi ka zhbllokuar ndeshjen me një goditje të mrekullueshme fluturimthi në minutën e 39-të dhe ka dhënë një asist të mrekullueshëm për golin e dytë të shënuar nga Cavani.
Në moshën 36 vjeç e 267 ditë, Ronaldo është bërë lojtari më i vjetër që shënon dhe jep një asist në Premier League, pas Didier Drogba në dhjetorin e 2014-ës, i cili ka qenë gjithashtu 36 vjeç e 267 ditë dhe e ka realizuar një gjë të tillë gjithashtu kundër Spurs.
Rashford ka fiksuar shifrat në 3-0 me golin e shënuar në minutën e 87-të.
