Lewis Hamilton me Mercedes triumfoi sot në garën e Çmimit të madh të Katarit në Formula 1, zhvilluar në pistën e Losail, duke e ngushtuar në 8 pikë diferencën me Max Verstappen. Ky i fundit, me makinën Red Bull, u klasifikua i dyti, ndërkohë që në podium u ngjit edhe Fernando Alonso me Alpine (spanjolli rikthehet në podium pas 7 vitesh).
Kjo ishte hera e parë që Formula 1 zbarkonte në këtë pistë dhe Hamilton tregoi se është më i shpejti, duke e dominuar garën nga xhiro e parë deri tek e fundit. Ai përfitoi nga penalizmi me 5 pozicione që mori Verstappen para startit të garës, për shkak se të shtunën nuk uli shpejtësinë në provat zyrtare, nën regjimin e flamurit të verdhë.
Për sa i përket garës së sotme, pilotët u përpoqën të përdornin strategji të ndryshme, por Mercedes nuk i la hapësira Red Bull për ta mundur. Probleme pati Valtteri Bottas (Mercedes), që u detyrua të linte garën 7 xhiro nga fundi. Interesant fakti se xhirot e fundit u zhvilluan nën regjimin e “makinës së sigurisë virtuale”, duke mos lejuar parakalimet në pistë.
Kjo garë, e cila u zhvillua më dritat artificiale, ishte në dritë-hije për makinat Ferrari e McLaren. Gjithsesi, “kokëkuqja” (vendet 7-8 me Sainz e Leclerc) arriti të fitojë të tjera pikë karshi rivalëve anglezë në betejën për konstruktorë. Gara e radhës së botërorit pas dy javësh, në Arabinë Saudite, një tjetër pistë debutuese në Formula 1.
BREAKING: @LewisHamilton wins in Qatar!
He beats Max Verstappen (P2) and reduces Verstappen's championship lead to eight points with two races to go!#QatarGP 🇶🇦 #F1 pic.twitter.com/MFi2rtjiH6
— Formula 1 (@F1) November 21, 2021
🏁 TOP 10 FINISHERS – QATAR 🏁
HAM 📷
VER
ALO
PER
OCO
STR
SAI
LEC
NOR
VET#QatarGP 🇶🇦 #F1 pic.twitter.com/CebsVNOLNk— Formula 1 (@F1) November 21, 2021
