Leonardo Bonuçi ishte ndër të paktit që pati guximin nga italianët që të shkonin dhe të përshëndesnin tifozët e pranishëm “Axurr” në Belfast, por edhe një ndër ta që vuri fytyrën përpara medias:
“Mendimi i parë dhe i vetëm në kokën tonë duhet të jetë i drejtuar në muajin mars. Tani gjithçka mbaroi dhe është e kotë të mendojmë se çfarë mund të bënim më mirë, pasi e dimë të gjithë se sa dhe ku kemi gabuar.
Tani asgjë nuk mund të kthehet më prapa, ndaj është ora që të karikojmë bateritë, t’i japim vetes forcë dhe të gjejmë atë papërgjegjshmërinë, atë mendje të çlirët, e cila na bënte të luanim bukur dhe të fitonim”.
