Largimi i Ilir Dajës nga detyra e trajnerit të Partizanit, ka vendosur klubin e kuq në lëvizje për të gjetur pasuesin e tij.
Në mënyrë provizore “demat” do t’i drejtojë Dritan Mehmeti, i cili mban rolin e trajnerit të Partizanit U-21.
Mehmeti do të jetë trajner i përkohshëm i klubit të kuq nga kryeqyteti deri në momentin ku drejtuesit do të kenë gati trajnerin e ri për skuadrën e tyre.
Partizani në 15 ndeshje të zhvilluara në këtë edicion të Kategorisë Superiore, ka fituar vetëm 4 ndeshje, ka barazuar 6 dhe humbur 5, duke grumbulluar 18 pikë dhe duke u pozicionuar në vendin e pestë.
