Anthony Martial ka kërkuar që të largohet nga Mançester Junajtid në merkaton e muajit të ardhshëm. Sulmuesi 26-vjeçar ka startuar vetëm dy ndeshje në Premier Ligë këtë sezon dhe ka regjistruar edhe 5 ndeshje të tjera nga stoli.
Në Champions, francezi ka luajtur dy ndeshje në fazën e grupeve dhe titullar ishte vetëm kundër Vijarealit. Talenti, i cili u transferua nga Monako në vitin 2015, ka të paktën edhe 3 vite të tjera kontratë në “Old Trafford”, por menaxheri i tij, Filip Lambolej, tha për mikrofonat e “Sky Sports”:
“Antoni dëshiron që të largohet nga klubi në janar. Ai ka thjesht nevojë për të luajtur. Ai nuk dëshiron që të qëndrojë në klub dhe unë do të flas me klubin së shpejti”. Ky lajm pritet të nxisë “ankandin” për klubet e interesuara
