Phoenix fitoi 111-90 ndaj Boston dhe arrin Golden State në krye të renditjes në Konferencën e Perëndimit. 7 lojtarë të Suns realizuan mbi 10 pikë, sfidë ku u dallua McGee me 21 pikë e 15 rebound. Fiton edhe ekipi i Lakers, që mundi 116-95 Oklahomën jashtë fushe. LeBron James realizoi 33 pikë, duke qenë lider për kalifornianët.
Një përbindësh në fushë ishte sot edhe Antetokounmpo, që realizoi 41 pikë e 17 rebound në fitoren që Milwaukee arriti ndaj Houston, me rezultatin 123-114. Rikthehet te fitorja Brooklyn, që mundi 113-105 Atlanta falë 31 pikëve të Durant, sukses që mban Nets në krye të renditjes. Zhgënjen sërish Dallas, që u mund 106-93 nga Indiana (LaVert 26 pikë).
NBA – Rezultatet e sotme
Charlotte – Sacramento, 124-123
Indiana – Dallas, 106-93
Atlanta – Brooklyn, 105-113
Toronto – New York, 90-87
Houston – Milwaukee, 114-123
Minnesota – Cleveland, 106-123
New Orleans – Detroit, 109-93
Oklahoma – Lakers, 95-116
Phoenix – Boston, 111-90