Shorti i Ligës së Kampioneve prodhoi shumë emocione pasi një ngatërresë me goglat bëri që proçesi të ribëhej nga e para. Pati nga ata që buzëqeshën për herë të dytë, por pati dhe nga ato që u zhgënjyen. Por cilat janë ato skuadra që fati nuk u buzëqeshi për të dytën herë?
Interi në shortin e parë peshkoi Ajaksin. Një kundërshtar i kalueshëm duke parë mundësitë e tjera dhe tifozët u entuziazmuan për këtë gjë. Megjithatë shorti i dytë i vuri përballë Liverpulit, një kundërshtar që zikaltërit do donin ta evitonin duke parë super formën në të cilën anglezët janë.
Fat i keq dhe për Real Madridin. Spanjollët ranë me Benfikën, një ekip që la jashtë Barcelonën nga ky kompeticion. Por në shortin e dytë i ra PSG, një ndër ekipet pretendente për triumfin final me një sulm prej titanësh.
Juventus pak a shumë nuk vuajti nga hedhja përsëri e goglave. Bardhezinjtë u shortuan në fillim me Sporting Lisbonën dhe më pas me Vijarealin. Të dy kundërshtarë të kalueshëm për Juventusin.
Mançester Junajtid evitoi PSG dhe u shortua me Atletiko Madridin. Ndërkohë vetëm Ccelsi nuk ndryshoi kundërshtar dhe i ra prapë francezët e Lilë.
