Shpërthen skandali në radhët e përfaqësueses së Polonisë, pasi trajneri i saj, Paulo Sousa ka kërkuar largimin në mënyrë të papritur nga drejtimi i ekipit. Portugezi kishte qenë në epiqendër të kritikave për paraqitjet e skuadrës së tij dhe vetëm fitorja me shumë fat ndaj Shqipërisë, bëri që ai të mbante vendin e punës dhe të siguronte biletën për play-off të Botërorit.
Por Sousa në mënyrë të papritur ka vendosur që të mos drejtojë polakët në ndeshjet e play-off, për t’i braktisur duke menduar një aventurë të re në Brazil. Atij i është ofruar pankina e Flamengos me një kontratë shumëvjeçare e kështu, Sousa ka bërë kërkesë zyrtare që të largohet nga stoli i Polonisë.
Një kërkesë e cila është refuzuar edhe publikisht nga presidenti i federatës, Cezari Kuleza, i cili e ka kritikuar hapur trajnerin e tij. “Sot u informova nga Paulo Sousa se ai dëshironte të mbyllte kontratën me federatën Polake me marrëveshje, për shkak të një oferte nga një klub tjetër. Kjo është një sjellje jashtëzakonisht e papërgjegjshme dhe nuk përkon me deklaratat e mëparshme të trajnerit. Ndaj unë e refuzova me vendosmëri”, theksoi presidenti i federatës duke bërë të qartë se nëse Sousa do të largohej, do të paguante një gjobë të rëndë.
Dziś zostałem poinformowany przez Paulo Sousę, że chce rozwiązać za porozumieniem stron kontrakt z @pzpn_pl z powodu oferty z innego klubu. To skrajnie nieodpowiedzialne zachowanie, niezgodne z wcześniejszymi deklaracjami trenera. Dlatego stanowczo odmówiłem.
— Cezary Kulesza (@Czarek_Kulesza) December 26, 2021
