Një tjetër tragjedi ka ndodhur sërish në botën e futbollit, ka ndërruar jetë si pasojë e një ataku kardiak lojtari 23-vjeçar, Marin Çaçiç.
Futbollisti ka pësuar atak kardiak gjatë një seanceje stërvitore me skuadrën e tij NK Nehaj, e cila militon në kategorinë e tretë kroate, ku pikërisht këta të fundit e kanë bërë me dije këtë lajm në profilin e saj zyrtare në rrjetin social “Facebook”.
Ngjarja ka ndodhur tre ditë më parë, ku në mes të një stërvitje me ekipin e tij, lojtari pësoi një sulm në zemër dhe u dërgua në një spital aty pranë, por ishte e pamundur që 23-vjeçari të mbijetonte.
