Pas ndeshjeve në mesjavë, Abissnet Superiore do të kthehet në fundjavë dhe në fillimin e javës së ardhshme, si pasojë e kësaj ngjeshje të kalendarit. Ndeshjet e javës së 13 do të luhen përsëri në tre ditë dhe do të jenë të ndara nga e diela në të martën.
Sfidat fillojnë të dielën, me Kastrioti-Egnatia në orarin 13:45 e më pas me Vllaznia-Skënderbeu në 16:45. Dy ndeshje do të luhen edhe të hënën, duke nisur me arë të orës 16:45 mes Teutës dhe Kukësit, për të vazhduar me një derbi në “Air Albania” mes Partizanit dhe Dinamos, që luhet në orën 19:45.
Ndërsa ndeshja e të martës do të jetë ajo mes Laçit dhe kryesuesve të Tiranës, një sfidë e cila përsëri do të luhet në orarin 13:45 të drekës, për shkak të mungesës së ndriçimit të përshtatshëm artificial në stadiumin e kurbinasve.
Java 13 (12-14 dhjetor)
Të dielën
Kastrioti-Egnatia 13:45 (në Kamzë)
Vllaznia-Skënderbeu 16:45
Të hënën
Teuta-Kukësi 16:45 (në “Elbasan Arena”)
Partizani-Dinamo 19:45 (në “Air Albania”)
Të martën
Laçi-Tirana 13:45
