Në rast të fitimit të kampionatit shqiptar në maj 2022, Tirana nuk do të vendoset në vazon e favoriteve raundin e parë kualifikues të Champions League 2022-2023. Arsyeja është e thjeshtë.
Shumë kampionë apo liderë në ligat e tyre që luajnë në Evropë, kanë koeficient më të mirë. Tirana së fundmi ka garuar në arenën ndërkombëtare para dy vjetësh në sezonin 2021/ 2022, e ka koeficientin 2.75 dhe me llogaritjen e thjeshtë është në vazon e dobët si skuadra e parafundit.
Në vendin e 207-të e renditjes së UEFA-s, Laçi me koeficient gjashtë.
Për momentin, një koeficient më të lartë se Tirana ka Klaksvik nga Ishujt Faroe, Sutjeska Nikshiç nga Mali i Zi, Dinamo Tbilisi nga Gjeorgjia, FC Vaduz nga Lihtenshtejni, FK Sarajevo nga Bosnja, Lincoln Red Imps nga Gjibraltari, KuPS Kuopio nga Finlanda, Riga FC nga Letonia, Shkëndija e Tetovës nga Maqedonia, Flora Tallin e Estonisë, The New Saints nga Uellsi, Alashkert Yerevan nga Armenia, Linfield Belfast nga Irlanda e Veriut dhe Fola Esch nga Luksemburgu.
Nëse Tirana do të fitonte kampionatin në pranverë, ajo do ta kishte njohur rivalin e tij në raundin e parë kualifikues të Ligës së Kampioneve më 14 qershor si një skuadër te vazoja e dobët.
Aktualisht janë 17 klube në vazon e parë dhe 17 në vazon e dytë, por renditja do të ndryshojë në bazë të faktit se cila skuadër në Europë do të dalë kampione e shtetit respektiv.
Në rast të eliminimit të rivalit të parë dhe ngjitjes në raundin e dytë kualifikues të Ligës së Kampioneve, Tirana do të kishte pjesëmarrjen e sigurt në fazën e katërt finale kualifikuese në Konferencë Ligë.
