Eddie Hearn, promotori i njohur i boksit dhe menaxher i Anthony Joshua (24 fitore, 2 humbje), deklaroi sot se revanshi i peshës së rëndë mes boksierit britanik dhe ukrainasit Oleksandr Usyk (19 fitore, 0 humbje) do të zhvillohet në prill, në Londër. Ai ka hedhur poshtë idenë se Usyk do t’i mbrojë titujt kampionë bote të fituara shtatorin e vitit të kaluar në vendlindjen e tij, në Kiev.
“Sfida e parë mes tyre që u zhvillua në stadiumin e Tottenham ishte e suksesshme, ndaj Anglia është vendi më i përshtatshëm për revanshin. Kjo sfidë nuk mund të sjellë të ardhura në Kiev, ndaj ajo do të zhvillohet në Londër, ku publiciteti dhe të ardhurat janë më të mëdha. Gjithashtu, sfida do të zhvillohet në prill, koha më e përshtatshme dhe palët kanë rënë parimisht dakord”, tha Eddie Hearn.
