Antonio Konte i gëzohet kualifikimit, por pranon se Totenhemi i tij nuk bëri ndeshjen më të mirë të mundshme kundër Morkambit të Ligës së Parë.
“Objektivi ynë ishte që të kualifikoheshim në raundin tjetër dhe ne fituam. Sigurisht që vuajtëm shumë në pjesën e parë të ndeshjes dhe pësuam një gol nga një goditje standarde.
Por, ne merituam të fitonim, sepse në këto lloj ndeshjesh ti duhet të tregosh forcën. Ata u mbrojtën me 11 lojtarë dhe kjo është normale në këto ndeshje. Por, e rëndësishme ishte që ne gjetëm zgjidhen e duhur”, tha trajneri i Totenhemit.
