Sulmues francez, Antuan Grizman, ka rezultuar negativ në testin e dytë të kryer për COVID-19 ditën e sotme. Lojtari u bashkua menjëherë në stërvitje me ekipin e Atletiko Madrid për t’u përgatitur për sfidën e ardhshme në kampionat.
Në datë 30 dhjetor, francezi, së bashku me Koke, Zhoao Felix dhe Hektor Herrera, kishin rezultuar pozitiv me COVID-19. Lojtarët ishin një mungesë e madhe për Simeonen në sfidën kundër Rajo Vajekanos, por të cilën në fund arritën ta mposhtnin me rezultatin 2-0.
Pas testimit të sotëm, Grizman rezultoi negativ dhe këtë lajm e bëri me anë të një postimi në Twitter. Lojtari do të vihet nën urdhrat e teknikut Simeone dhe do të jetë gati për transfertën me Vijarrealin, të dielën e 9 janarit.
