Gjithmonë me më shumë të infektuar. Numri i të prekurve me COVID në skuadrat e Italisë po rritet dita ditës, teksa Seria A duket si një boletin lufte.
Të gjitha skuadrat kanë të paktën një lojtar të infektuar, teksa në shumë raste virusi ka prekur edhe anëtarë të stafit teknik e deri te magazinierët. Napoli është ekipi më i goditur me nëntë elementë, ndërkohë që në listën e të infektuarve nuk mungojnë shqiptarët.
Rei Manaj dhe portieri i Bolonjës, Marko Molla, “përfaqësojnë” Shqipërinë në këtë listë, e cila pritet të popullohet në orët në vijim duke qenë se shumë nga të infektuarit kanë pasur kontakte të ngushta me shokë të skuadrave.
