Ezequiel Lavezzi është në qendër të zërave pikantë në Argjentinë.
Ndërsa ish-sulmuesi rrezikon të humbasë disa prona për shkak të luftës në gjykatë me ish-partneren Yanina Screpante, gazetarët argjentinas kanë zbuluar disa parapaskena për lidhjen e Lavezzi-t dhe të fejuarën e tij të re, modelja Natalia Borges.
Me sa duket kjo e fundit ka qenë e lidhur me një nga miqtë më të mirë të Lavezzi-t kur është dashuruar me Pocho-n.
“Lavezzi dhe Natalia janë takuar për herë të parë në Ibiza, gjatë një darke mes dy çiftesh. Ajo ishte e fejuar me Lorenzo-n, një mik i ngushtë i ish-lojtarit”, ka thënë në programin tv Es por hay gazetari Guido Zaffora.
“Pocho dhe Borges janë dashuruar dhe Lorenzo ka mbetur i vetëm dhe i braktisur”, ka shtuar duke e krahasuar ngjarjen me trekëndëshin e famshëm të dashurisë Mauro Icardi-Wanda Nara-Maxi Lopez.
“Lavezzi i ka bërë një gjë ‘alla Icardi’ mikut”, ka thënë duke qeshur eksperti i kronikës rozë.
