Në një intervistë për BBC, tenisti serb Novak Djokovic, ka rrëfyer se ka mbetur i zhgënjyer nga mjaft kolegë pas incidentit që ai pati në Australi, ku u përjashtua për shkak se nuk ka kryer vaksinën anti-Covid.
Gjatë asaj periudhe, mjaft tenistë dolën kundër idesë që tenisti serb të luajë. “Kam mbetur i fyer nga kolegët e mi, pasi shihja sytë dhe shikimet e tyre mbi mua, sikur të isha fajtor. Shumë kolegë u influencuan nga ato që ndodhën dhe lajmet që dilnin në media”, u shpreh Djokovic.
Ai flet edhe për Rafael Nadal, duke shtuar: “Djali im Stefan më pyeti se kur do të luaja ndaj Rafael. I thashë përse më pyet dhe më sqaroi se dëshironte të dilte në fotografi me të. Gjatë finales së Australian Open, ai bënte tifo për Nadal, ndërsa nusja ime për Medvedev”.