Futboll Sport

“PËRJASHTIMI I PËRFAQËSUESËVE DHE KLBEVE”/ Ja çfarë parashikon vendimi i FIFA-s dhe UEFA-s për Rusinë…

FIFA dhe UEFA kanë dalë me një komunikatë zyrtare të përbashkët, duke komunikuar vendimin për të përjashtuar Rusinë nga aktivitetet ndërkombëtare me përfaqësuese dhe klube.

“Duke vijuar vendimet fillestare të ndërmarra nga Këshilli i FIFA-s dhe Komiteti Ekzekutiv i UEFA-s, të cilat këshilluan vënien në zbatim të masave të tjera, FIFA dhe UEFA kanë vendosur sot bashkërisht që të gjithë skuadrat ruse, përfaqësuese kombëtare apo klube, të pezullohen nga pjesëmarrja në kompeticionet e FIFA-s dhe UEFA-s deri në një njoftim të dytë.

Këto vendime u ndërmorën sot nga Byroja e Këshillit të FIFA-s dhe Komiteti Ekzekutiv i UEFA-s, përkatësisht dy organet vendimmarrëse më të larta të të dy institucioneve rreth çështjeve të tilla urgjente.

Futbolli është plotësisht i bashkuar dhe në solidaritet të plotë me të gjithë njerëzit e ndikuar në Ukrainë. Të dy presidentët shpresojnë se situata në Ukrainë do të përmirësohet në mënyrë të ndjeshme dhe të shpejtë, në mënyrë që futbolli të jetë edhe një herë një vektor për bashkimin dhe paqen mes popujve”, shkruhet në komunikatën e përbashkët të FIFA-s dhe UEFA-s.

Me situatën e pushtimit të Ukrainës që nuk duket se do të shkojë drejt një zgjidhje të shpejta, klubi i Spartak Moskës rezulton të jetë i përjashtuar nga Liga e Europës ku do të luante në javën e ardhshme, ndërsa edhe përfaqësuesja e Rusisë nuk do të marrë pjesë në ndeshjet e play-off të muajit mars për kualifikimin në Botërorin 2022. Ndërkombëtarët nuk kanë vendosur një afat fillestar për lënien në fuqi të këtyre sanksioneve dhe heqja e tyre do të diskutohet vetëm kur konflikti ushtarak të ketë përfunduar.

Related posts

MOTO GP/ 278 rrëzime gjatë 18 garave, ja pilotët që kanë përfunduar më shumë në asfalt

Delo.autor

LIVE/ Serie A: Mbyllet ndeshja Juventus-Verona. Rezultati 1-1

Delo.autor

VLLAZNIA-LAÇI/ Dy ekipet kërkojnë me çdo kusht fitoren në “Loro Boriçi” (FORMACIONET ZYRTARE)

Delo.autor

Leave a Comment