Jose Mourinho e dëshiron në skuadër, fjalët e ëmbla të portugezit me sa duket kanë dhënë efekt pasi Marash Kumbulla, pavarësisht ofertave nuk ka ndërmend të largohet nga Roma.
Qendërmbrojtësi kuqezi me anë të një postimi në profilin e tij në Instagram i premton besnikëri verdhekuqeve duke vendosur objektivat për sezonin e ri:
“Me ndeshjet e fundit me Kombëtaren u mbyll dhe ky sezon për mua. Një vit plot me shumë ngjyra, sfida të reja dhe emocione të forta. Një trofe i fituar me Romën dhe objektivi i play-off-it të Botërorit që për pak e arritëm me Shqipërinë. Synimi është gjithmonë i njëjti: të rritemi dhe t’i çojmë sa më lart Romën dhe Shqipërinë. Shihemi së shpejti 2022/2023”, shkruan Kumbulla në statusin e tij.
