E pabesueshme ajo që po ndodh me karrierën e Andrea Ranokias!
U transferua në këtë sesion të merkatos verore te Monza për të pasur hapësirat e nevojshme, por së fundmi klubi nga Brianca ka njoftuar zyrtarisht ndërprerjen e kontratës në mënyrë konsensuale me ish-kapitenin zikaltër.
Këtë lajm e ka bërë vetë publik klubi i sapo ngjitur në Serinë A me anë të një njoftimi në profilin e saj zyrtar të rrjetit social “Twitter”, duke i uruar për këto dy muaj e gjysmë të përshkuara së bashku.
34-vjeçari ishte projektuar si titullar në skuadrën që ka në pronësi Silvio Berluskoni, por një dëmtim i rëndë që pësoi në ndeshjen ndaj Udinezes, kushtëzoi mbrojtësin që të qëndrojë larg fushave për një kohë relativisht të gjatë.
Përveç Interit, Andrea Ranokia ka mbajtur veshur edhe fanellat e Barit, Xhenoas, Sampdorias dhe Hull Sitit.
