Duket se lajme të mira kanë ardhur për Kombëtaren shqiptare, me Marash Kumbullën që i është rikthyer sërish stërvitjes me Romën.
Siç bëjnë me dije mediat pranë klubit verdhekuq, mbrojtësi shqiptar, së bashku me Stefan El Sharauin dhe Tami Abraham ishin të parët që shkuan në seancën stërvitore përpara startit të fazës përgatitore të Romës.
Kumbulla është ende në fazën e rikuperimit pas një dëmtimi të rëndë që mori kundër Milanit në fund të prillit dhe duket se do të jetë gati për Shqipërinë në dy ndeshjet e shtatorit kundër Çekisë dhe Polonisë./Panorama Sport
