Pesë muaj zgjati aventura e Besnik Hasit si trajneri i Mechelen në Belgjikë. Tanimë ish-mbrojtësi i Kombëtares është shkarkuar nga klubi, mes një situate të tensionuar.
Me vetëm një fitore në 13 ndeshjet e fundit dhe 11 humbje nga 45 ndeshje në total, situata e Hasit ishte bërë e vështirë edhe pse sezoni i shkuar u mbyll me sukses.
Hasi kishte probleme të brendshme që nga eliminimi në dhjetor nga “Croky Cup” ndaj Beerschotit. Konfliktet me tifozët gjithashtu i shtuan presionin. Pas një ndeshjeje, Hasi u përball me një tifoz të zemëruar, i cili e kritikoi për zëvendësimet e tij.
Fred Vanderbiest do ta udhëheqë ekipin në dy ndeshjet e ardhshme.
