Tirana siguron qëndrimin në Superiore, pasi mundi minimalisht 1-0 Pogradecin në “Elbasan Arena”, në finalen e “Play Out”.
Rasti i parë serioz i takoi bardhebluve, me Jarmouni që flirtoi me golin e avantazhit pas çerek ore lojë por goditja e tij u ndal nga portieri.
Ekipi i Shkëmbit festoi në fundin e pjesës së parë pas një goli fantastik nga distanca të Soler. Gjithsesi, gëzimi nuk zgjati shumë, pasi arbitri anuloi golin për faull të Micit në sulm, vendim ky i marrë pas komunikimit me VAR.
Tirana shtoi presionin dhe gjeti golin e epërsisë vetëm në fundin e sfidës. Një devijim i pafat i Hysenllarit solli golin, me rezultatin që mbeti i pandryshuar deri në fund.
