Ish-kampioni botëror dhe europian me Francën, në vitet 1998 dhe 2000, Thierry Henry, sot asistent i trajnerit të Belgjikës, Roberto Martinez, mund të bëhet trajner i ri i Aston Villa.
“Daily Star” e zbulon këtë. Ish-sulmuesi francez, i cili ka veshur fanellën e Arsenalit për vite në Premier League, tashmë është kontaktuar joformalisht nga klubi i Birminghamit.
Megjithatë, para se të angazhojë francezin e njohur në drejtim, Aston Villa, një ekip që luan në Premiership, do të duhet të zgjidhë kontratën me trajnerin e vet aktual, Steve Bruce.
