Luciano Spalletti është treguar misterioz për sa i përket 11 lojtarëve që do të fusë në fushë ndaj Torinos, dhe as Samir Handanovic nuk e ka të sigurt që do të luajë. Zikaltrit e kanë nisur keq sezonin me humbjen 1-0 ndaj Sassuolo-s, kështu që trajneri po mendon të ndryshojë skemë.
Kroatët Perisic dhe Vrsaljko pritet ta nisin që nga minuta e parë ndeshjen pasi janë rikthyer vonë nga pushimet pas Kupës së Botës.Skriniar është gati dhe Asamoah pritet të kalojë në krahun e majtë të mbrojtjes që nga minuta e parë.
Gjithsesi, Martinez dhe Politano pritet ta nisi përsëri ndeshjen nga minuta e parë pas shpinës së Icardi-t. Handanovic ka pësuar një dëmtim, por thuhet se do të jetë gati për ndeshjen e darkës. Gjithsesi, La Gazzetta dello Sport raporton se Spalletti mund të zgjedhë një mbrojtje me tre në skemën 3-4-2-1, me Skriniar, Miranda dhe De Vrij në prapavijë.
Kjo do ta dërgonte argjentinasin Martinez në stol, po ashtu edhe Keita Balde.
Formacioni i mundshëm i Inter: Handanovic; Vrsaljko, De Vrij, Skriniar, Asamoah; Vecino, Brozovic; Politano, Martinez, Perisic; Icardi
