Braziliani Eskerdinja mund të konsiderohet tashmë si një lojtar i Skënderbeut. Palët kanë arritur me kohë akordin, ndërkohë që lojtari mësohet se ka komunikuar me trajnerin Orges Shehi për t’i bërë të ditur se ka marr leje-kalimin nga klubi i tij në Brazil e pritet të mbërrijë në Shqipëri pas pak ditësh.
Në këtë mënyrë Eskerdinja rikthehet në Korçë pas dy vjetësh nga largimi i tij, me 27-vjeçarin që madje pritet të jetë gati që në ndeshjen e fundjavës kundër Laçit.
