Paraqitjet e mira me fanellën e Wolverhamptonit të Ruben Neves kanë tërhequr vëmendjen e klubeve më të mira në Europë. Pas Manchester City-t, për mesfushorin portugez ka shfaqur interes edhe PSG.
Ish-mesfushori i Portos u transferua në Angli sezonin e kaluar, duke ndihmuar skuadrën e “ujqërve” të ngjitet në Premier League.
Edhe në startin e këtij sezoni Neves ka qenë një nga lojtarët më të mirë për skuadrën e tij, ndërsa ka arritur të shënojë edhe një gol në takimin hapës ndaj Evertonit. Ruben Neves ka një kontratë me Wolverhamptonin deri në vitin 2023.
