Një incident i shëmtuar midis pilotit të Mercedes, Luis Hemilton, dhe pilotit të Alfa Romeo, Kimi Raikonen në provat zyrtare të zhvilluar sot në pistën e Spielberg, në Austri, është duke bërë xhiron e internetit.
Të dy pilotët kishin pasur një garë të fortë me njëri-tjetrin, deri në një moment, për t’iu shmangur këtij dueli, Hemilton vendos t’i largohet Raikonenit por, fatkeqësisht aty ishte kthesë dhe ai përfundoi në një cep të rrugës.
Sikur të mos mjaftonte ky incident, Raikonen gjatë parakalimit e fyen britanikun, duke i treguar gishtin e mesit. FIA pritet të marrë një vendim për gjestin e turpshëm.
