Conor McGregor është ndoshta humbësi më i madh i përballjes së 6 tetorit në UFC, por kjo nuk i ka ulur popullaritetin sportistin irlandez.
Ai është sugjeruar nga populli i Irlandes që të zgjidhet president i vendit, ndërkohë që një banor i Dublinit, i njohur si Neil Tolan ka shkuar më tej. Ai ka votuar për yllin e UFC, duke treguar se Conor është shumë më popullor se disa nga kandidatët aktualë.
“Ajo që na nevojitet është një president i vërtetë”, tha Tolan bashkë me një fotografi të votimit të tij, ku dukej qartë vota për Conor McGregor.
Fotografia bëri xhiron e botës dhe grumbulloi më shumë se 7,000 like në internet.
Megjithatë kjo votë nuk do të ketë ndonjë ndikim në rezultatin përfundimtar pasi sondazhet tregojnë se detyrën e numrit 1 të shtetit do ta marrë Michael D Higgins, i cili do të rizgjidhet me gati 60 përqind të votave.
What we need is a real president @TheNotoriousMMA pic.twitter.com/au5wbZq1Uf
— Neil (@tolan97) October 26, 2018
