Cristiano Ronaldo dha një intervistë pas fitores në “San Siro” ndaj Milanit 2-0, ku edhe shënoi gol për herë të parë në stadiumin e Milanos.
Gonzalo Higuain u ndëshkua me karton të kuq pasi reagoi ndaj gjyqtarit, dhe ishte mjaft i revoltuar për vendimin që u bë ndaj tij duke u larguar nga fusha i zemëruar dhe me lot në sy.
“Jam i lumtur që e kam ndihmuar skuadrën time, Juventusin”, tha Ronaldo pas ndeshjes.
“Mendoj se Higuain nuk e meritoi dënimin, ai nuk bëri asgjë”.
Juventusi me këtë fitore e ka siguruar edhe më shumë vendin e parë në renditje, ku ka grumbulluar 34 pikë, gjashtë më shumë se Napoli në të dytin.