Vetëm disa ditë pasi ai ia futi nën këmbë topin në mënyrë të mrekullueshme Filipe Luisit të Atletico Madridit, Lionel Messi ka arritur ta dëshmojë talentin e tij përsëri, tani duke e shënuar një nga golat më të mirë personal në këtë sezon të Ligës së Kampionëve.
Argjentinasi i dribloi mbrojtësit e PSV Eindhovenit, para se ta mposhte portierin Jeroen Zoet. Kjo gol ishte edhe më mbresëlënëse pasi që Messi arriti ta mposhtë portierin në shtyllën e parë, transmeton Gazeta Express.
“Nuk e kam idenë si arriti ta shënojë atë gol Messi”, tha trajneri i Barcelonës, Ernesto Valverde, pas ndeshjes të cilën klubi katalonas e fitoi me rezultat 2-1, duke e siguruar kualifikimin nga vendi i parë në fazën e grupeve.
Megjithatë, Valverde nuk ishte i vetmi që mbeti gojëhapur nga goli i Messit. Një tifoz i argjentinasit, e shprehu adhurimin e tij për futbollistin, duke thënë se për të nuk është me e rëndësishme që Messi të fitojë çmime, pasi që ai e dëshmon veten në fushë.
“Kjo është arsyeja pse nuk i marr seriozisht këto çmime më. Kujt i duhet një Top i Artë kur gjithçka që prek në fushë, e shndërron në të artë”, shkruan një tifoz i Messit, @InspiredByMessi, në llogarinë e tij në Twitter.
Messi e ka fituar Topin e Artë pesë herë, mirëpo është pothuajse e pamundur që ai ta fitojë këtë çmim këtë vit, përkundër paraqitjeve mbresëlënëse që pati sezonin e kaluar. Luka Modrici pritet ta fitojë çmimin më 3 dhjetor, dhe konkurrentët e tij më të mëdhenj raportohet se janë Cristiano Ronaldo, Antoine Griezmann, Raphael Varane dhe Kylian Mbappe.
This is why I don’t take those awards seriously. Who needs a golden ball when everything you touch on the pitch turns to gold. pic.twitter.com/N1xVWW8FFO
— MessiTheGOAT (@InspiredByMessi) November 28, 2018
