Falë ndryshimeve që makina Red Bull bëri këtë fundsezon të Botërorit 2018 në Formula 1, pilotët e saj ishin kompetitivë në pistë. Madje piloti i ri holandez Max Verstappen u ngjit në podium në të 5 garat e fundit, duke fituar edhe njërën prej tyre. Këto sinjale pozitive kanë karikuar talentin e ri holandez, që lëshon sfidën për titull sezonin tjetër.
“E ardhmja është premtuese për Red Bull dhe mua. Unë përpiqem të jem gjithnjë me këmbë në tokë, ndaj po pres testet e para sezonale në shkurt të 2019-ës para se të bëj një parashikim. Por ftoj rivalët të mos më nënvlerësojnë, as mua e as Red Bull”, tha Max Verstappen.
“Mbi të gjitha duhet të ndërtojmë një makinë të shpejtë, duke vijuar ritmin e këtij fundsezoni, duke patur mbi të gjitha një motor të besueshëm “, u shpreh holandezi. “Titulli? Është gjithnjë e vështirë t’i përjigjesh kësaj pyetje, pasi varet nga makina që ken ë dispozicion. Kemi hedhur bazat e makinës së të ardhmes dhe po punojmë fort. Unë jam i bindur se do të jemi në të njëjtën linjë me Mercedes e Ferrari”, tha Verstappen.
