Joao Cancelo po kalon një start fantastik tek Juventus pasi iu bashkua Bardhezinjve në verë nga Valencia.
Mbrojtësi portugez luajti i huazuar tek Inter sezonin e kaluar, por Zikaltrit nuk e kanë blerë përfundimisht lojtarin për shkak se Valencia kërkonte 40 mln euro.
Një shifër që eventualisht u pagua nga Juventus dhe ai po vërteton se ia vlen çdo qindarkë.
Statistikat e Cancelo-s tregojnë se ai jo vetëm që është një mbrojtës krahu i mrekullueshëm, ai po tregon kualitete në çdo pozicion të fushës.
Siç raportohet nga Gazzetta dello Sport, Cancelo është në majë të renditjes me 2,9 driblime të suksesshme për ndeshje.
I vetmi mbrojtës në dhjetëshen më të mirë të Serie A. Për më tepër, askush nuk ka më tepër pasime të sakta në gjysmëfushën kundërshtare.
