Përmes shoqatës së tij të bamirësisë, ylli argjentinas i Barcelonës, Lionel Messi, i ka dhuruar 100 mijë euro për produktet thelbësore të përkujdesjes shëndetësore, për provincën Chacho të Argjentinës.
Argjentinasi i dërgoi këto produkte në atë regjion përmes UNICEF-it, organizatë kjo të cilën ai e përfaqëson dhe që është nga sponsorët e klubit ku luan Messi, Barcelonës.
300 çanta shpine të mbushura me produkte sanitare, si ndihma e parë, janë dërguar në vendlindjen e Messit gjatë periudhës nëntor 2017 – shtator 2018.
Për më tepër, 240 furnizime të tjera u shpërndanë në qendra të ndryshme të atij rajoni, me qëllim për t’iu ndihmuar pacientëve nëpër qendrat mjekësore të asaj zone.
Gjithsej 37,755 fëmijë ishin pjesë e 41,600 njerëzve të cilët kanë përfituar për shkak të kësaj iniciative të yllit argjentinas të Barcelonës.
